Jau Kaha

jau kaha

aaj bhor ki chali

mai nikali kidhar ko
jaane kaha mai chali
gili ankhiya
sehma badan liye
jane kis chanda
ki chamak ko choone mai chali

siskiyo ka khazana dhoke chal padi
usi ret pe fir se ek kahani likhne
mai jaane kis soch se chali
dekho na, mera sapna beh gaya
in aansuo mei mera kal deh gaya

ye pata, na jaane kiska hai
ye safar mera hai bhi ya nahi?
bahut der ho gayi
itni ki
mera musafir mujhme hi so gaya
dekho na, kaise andhiara ho gaya
kaccha sa mann; kacchi si yaadein leke
mai kahi door chali

aaj bhor ki nikali
jaane kaha mai chali?

Shringi