Prophecy?

kuch kaagaz ke patto pe
jadi hai kahani zindagi ki
ab in bikhare patto ko kisi kadi ka mohtaj hona kya zaroori hai
inhe khelne do, hawa ke pehlu mei

ye mai hu
aur wo bhi mai
na koi chor, na ant
na koi umang, aur na hi koi thikana
ek bikhra patta
apne kal se azaad

kuch patte to hamesha se akele the
aur kuch ke saathi the - phool - jo kaato se bekhabar khilkhilate
in patto ko phoolo se bichare kai din ho gaye
par aaj bhi ye unka gandh liye ghoomte hai

Shringi
10 November 2010